Bu avtomobillər sizi yarı yolda qoymayacaq
Ford Mondeo Avtomobilləri bu vaxtadək istehsal olunan ən etibarlı maşınlardan sayılır. Düzdür, bu modellər 2014-cü ildən bu yana istehsal olunmur, amma yollarda görünməkdədir. Bu maşınlar hələ yaxşı vəziyyətdədir. Mondeonun ən etibarlıları mexaniki sürət qutusu ilə olanlar hesab olunur. Vaxtında sürət qutusunun yağına nəzarət edilərsə, avtomat sürət qutusu olan Mondeo da uzun müddət istismar edilə bilər.
Mazda 2 də sahibi yarı yolda qoymayan avtomobillərdən hesab olunur. Şəhər küçələrində idarə etmək üçün olan dinamik və manevrli avtomobildir. Mazda 2-də kuzov silklənmiş olduğundan 10-15 il ərzində paslanmaya məruz qalmır. Səliqəli baxıldıqdan sonra avtomobilin kuzası uzun müddət qüsursuz qalacaq.
Toyota RAV4 - bu avtomobillər ikinci əl yolsuzluq avtomobilləri arasında alınmasına görə liderdir. Bu avtomobillərdə istər yolsuzluq, istərsə də hamar yollarda getmək olduca komfortludur. Avtomobil korroziyaya məruz qalmır. Sürət qutusu və asqısı çox etibarlıdır. Bundan əlavə, Toyota RAV4 avtomobilinin elektronikası da olduqca dözümlüdür.
Dözümlü və etibarlı maşınlardan bəhs ediriksə, Subaru Foresteri də yada salmalıyıq. Yaponiya avtomobil sənayesi yalnız Toyota ilə məşhur deyil. Subaru 1997-ci ildə bütün ailə üçün rahat olacaq avtomobil istehsal edib. Nəzərə alsaq ki, Subaru Foresterin ilk modelləri hələ də yollarda görünməkdədir, o zaman bu maşınlar haqqında nəticə çıxarmaq elə də çətin olmaz. Avtomobilin mənfi cəhəti keyfiyyətsiz plastikdən hazırlanmış döşəməsinin olmasıdır.
Daim yenilənən, zövqlü kuzovu olan, geniş interyerə malik Toyota Corolla avtomobilləri də ən etibarlı maşınlar sırasındadır. Bu maşının əksər sahibləri bildirirlər ki, istifadənin ilk 10 illiyində avtomobilin, demək olar ki, ciddi təmirə ehtiyacı olmur. Corollanın etibarlı kuzovu paslanmaya məruz qalmır. Digər yapon maşınlarından fərqli olaraq bu, ən az yanacaq sərf edən avtomobildir. Yeganə mənfi cəhəti şüşəqaldıranlarının tez sıradan çıxmasıdır.